馬浚偉噚日到黃埔鑽錶城宣傳，大會仲送咗張價值3萬幾蚊嘅手錶畀馬仔，佢話自己一向都有收藏手錶，因為貪可以保值，屋企珍藏最貴嘅就要成40萬。對於黃宗澤被偷拍到喺屋企赤條條，馬仔都好愕然，仲勸大家要記得拉埋窗簾，佢話：「佢唔好唔開心，佢應該要有自信，佢身材咁好，之前林海峰都被偷影屙尿啦，男仔唔緊要，唔係好大件事啫。」