小丑總掛上一個鮮紅色的笑臉，但大家卻看不出小丑有多快樂，在26歲的周柏豪臉上，也在努力擠出笑臉，落力地討好觀眾，但觀眾看到的只有他的緋聞表。對於緋聞，周柏豪真的怕了，特別是介入賭王千金何超雲和陳山聰之間，他希望大家從緋聞中認識他之餘，也認識他的歌。
現年26歲的周柏豪緋聞不絕，早前先後與何超雲和吳雨霏傳緋聞，近日其名字更與新鮮出爐的入圍港姐3許亦妮扯上關係，觀眾關心他是否攀龍附鳳搭上超雲，多過關注他的新歌。
「成日人開心」
周柏豪感無奈，但已習慣，因為他覺得藝人就如小丑，他日前接受本報記者專訪時說：「我由細到大都鍾意小丑，好似成日人開心，有晒化妝，着晒彩色繽紛嘅衫，但小丑個化妝同內在唔一致，外表係人開心，但佢做嘅嘢往往令人覺得好恐怖，估唔到佢做緊啲乜，好似一個藝人一樣，化晒妝着靚衫表演畀大家睇，大家會知我係歌手，但身邊朋友會因為我係歌手而嚇怕，有好多無奈同矛盾，我亦要犧牲同屋企人及朋友相處嘅時間。」
周柏豪為了表達這種人生的無奈，他於本月底推出的新碟《本体分離》正正講這種人格的分裂，他說：「我做藝人已經習慣，如果太多面就會好假，我今次隻碟入面有五首歌都係同小丑有好多關係，好多都係講個人嘅內心感受。」
對於緋聞，周柏豪真的怕了，特別是介入賭王千金何超雲和陳山聰之間，雖然緋聞令他增加知名度，但另一方面卻分散了他的工作，他坦言每次工作前為了預備回答傳媒問題，令他分心不少。
更小心交朋友
周柏豪說：「我嗰排成日都會諗應該點回應先叫最好答案，事實上我係冇，究竟我點答先唔得失晒所有嘅人，令我唔能夠專心做自己嘢，而且又成日有人跟蹤我，以前唔會咁，所以到最後關頭就唔回應。」周柏豪坦言以後交朋友會更小心。
採訪：駱華齡
攝影：陳志嵐
化妝：KrisWing
髮型：SkyofHairCorner
場地提供：ECOLSofTHEONE