趣趣地：科蘭女友分手即脫

男女關係真係好微妙，效力西甲馬德里體育會嘅烏拉圭球星科蘭，上個禮拜先同未婚妻娜拉（圖）去美國邁阿密度假，但轉個頭就經已分手。至於點解會搞成咁，科蘭本人冇出嚟解釋，但有傳佢唔滿意本身做模特兒嘅娜拉拍太多暴露相，亦有傳兩人喺婚前協議傾唔掂數，但真正原因係乜，得佢哋先知。不過，娜拉同科蘭分手之後，就即刻流咗佢嘅露點相出嚟，認真攞景。