英超球隊新特蘭嘅後衞巴布爾（圖），佢個曾經都踢過波嘅大佬泰斯法耶，舊年涉嫌強姦一名妙齡少女單案，家正在審緊，做細佬嘅巴布爾日前出庭作供，就力撐大佬，話因為佢哋嘅球員身份，吸引咗唔少女仔仰慕，仲話啲女仔跟足球員返酒店，無非都只係為性愛喎！佢呢啲咁嘅供詞，擺明係想乘機貶低女事主。泰斯法耶最終係咪有罪，仲要審落去等陪審團裁決，但其實性醜聞就唔能夠單單賴晒女方，球員自己嘅品行都要檢點啲。