英格蘭同埋紐卡素名宿舒利亞（圖）日前證實，同英冠球隊卡迪夫城傾過做對方嘅領隊，佢話好欣賞卡迪夫城嘅目光、野心同埋決心，可惜最後都未能成事。舒利亞喺英球壇響噹噹，要佢降格喺英冠執教，除非隊波好有吸引力，否則難以令佢動心。講真，卡迪夫城財力麻麻，難以簽入頂級球員，爭升班似乎有啲難度，加上舒利亞大把錢唔憂米，無謂迫自己做一啲唔鍾意做嘅嘢吖！