在討論區上,對於「衣着性感被侵犯是否抵死」的問題,男女網友有人覺得女士衣着性感無罪,有人卻持相反意見。不過網友都強調,雖然他們覺得被害人有責任,但都同意不能因此把性侵犯的罪行合理化、合法化。
正方︰
「着得性感只係想騷身材,俾你睇不代表俾你搞。」
「唔通戴貴錶行街,俾人打劫又係抵死?」
「着得布少要受懲罰,咁要唔要學阿富汗,強制女人由頭包到腳?」
「色魔有性需要時,會揀最易得手的獵物,性不性感只是其次」
反方︰
「男人鹹濕係天性,引人犯罪仲唔抵死?」
「話就話唔係(抵死)……但講真,你露咁多都係吸引你性衝動啫。」
「好簡單一個比喻,你拎住500萬現金出街,會唔會掛幾叠喺心口?」
「有一次搭地鐵,有個女仔着住件低胸背心,咁我就梗係到佢實一實,點知佢竟然怒睥我……如果你對我淫褻嘅眼神感到厭惡嘅話,你一早就唔應該着呢啲衫。」
《蘋果》記者