港股反反覆覆又跌152點收市，收22343，成交611億，唔算大，不過市場氣氛就麻麻。
隔晚花旗股市顯著反彈對港股冇乜幫助，原因係呢幾日港股利淡消息唔少，技術走勢又偏淡，投資者入市態度偏向審慎。
睇走勢花旗股市未彈完，道指仲有兩三百點升吓，不過港股要突破22650至22900阻力區難度越嚟越大，花旗股市如掉頭下跌，恒指好快會下試22000。
中電信C輪11754：中電信（728）平收4.65元，同大市比較算係偏強。股價早兩日落過4.52元，隨即反彈，家喺10日線整固，升破4.77元會進一步推向5元，可以諗吓隻C輪11754。
隻輪現價21.6仙，2011年12月2日到期，行使價5.28元，溢價18.2%，引伸波幅34.1%，槓桿率21.5倍（有效7.3倍），正股升上5元，11754睇35.4仙，升幅63%，正股跌穿4.50元就沽咗隻輪。
俊樺