米蘭祖雲奴域（圖）、祖高爾、阿古蘭尼、高捷斯基同埋保臣，原來係利物浦嘅蛀米大蟲。點解咁講？因為佢哋5個除咗對紅軍冇貢獻之外，人工仲超貴，最低嗰個阿古蘭尼，周薪都有成8萬鎊（約102萬港元），保臣同高捷斯基就收9萬鎊，而祖高爾同米蘭祖雲奴域仲誇張，周薪達11萬鎊同12萬鎊。睇嚟班主約翰亨利同領隊杜格利殊真係要諗諗計，點掃呢5件廢物走。