新聞人物張栢芝仲未出現，一班記者噚日繼續喺機場等佢，亦要等復合嘅鄭秀文（Sammi）同許志安去完日本返港，其間等到喺外地做完騷嘅張學友同經理人陳淑芬一齊出現。雖然坐完飛機，但學友都好精神，見到記者仲問等邊個，記者話等Sammi同安仔，佢就話都有睇報紙知佢哋去咗玩，問學友會唔會祝福佢哋快啲結婚？佢即刻話：「梗係會。」