榮升冬甩大師姐的Rainbow（胡心諾），今年將與冬甩其他成員及Fantasy合力推出寫真，今次主要在香港和郵輪上取景，當中冬甩會以金木水火土五個元素為主題，造型是火的Rainbow說：「全部我都好鍾意，但係火嘅形象最深刻，有啲小惡魔嘅感覺，啲人見到我個妝都話好特別，好似漫畫人物。」
被火燒忍笑
不怕火的Rainbow笑稱拍攝過程很刺激，但有一件事令她很難忍，她說：「拍火嗰陣會淋啲火水喺我後面，好似有啲燃燒緊嘅感覺，我自己唔怕火，反而覺得好刺激，個心仲有啲想笑，不過鏡頭前個樣又要扮到好cool，惟有忍住唔笑，雖然拍呢啲場面好難控制，不過過程都好順利，都好好玩。」
寫真強敵當前，自稱是甜美性感的Rainbow直言信心十足，她說：「我哋畀咗好多心機去做，而且仲好有特色，唔會比其他人輸蝕。」
採訪：何慧斯
攝影：林德雄
Profile
胡心諾 Rainbow
年齡：19歲
三圍：32B、24、32
身高：5呎6吋
體重：102磅
經驗：演出無綫節目《美女廚房》時與方力申傳緋聞，同年推出《夏之盛放》寫真集及網劇等。
資料來源：《蘋果》資料室
