「百果園E神」陳靜（DaDa）上月往上海拍攝書展推出的寫真集，由於工作密麻麻，又趕拍新片《喜愛夜蒲》，DaDa到上海後不支病倒，拍攝期間發高燒眼腫面腫，拍攝被迫一度中斷。
DaDa說：「飛上海之前嗰晚，我要通宵拍戲，到咗上海日日拍成十幾個鐘，因為唔夠休息，結果病咗。當日發高燒，搞到面同對眼都腫晒，影相都唔靚，公司咪叫我休息先。」由於要全組人停工，DaDa覺得很內疚，幸好休息一日已痊癒繼續開工。
冇男友呻寂寞
DaDa有否向公司請假休息？她即時擰頭說：「我係勞碌命，唔鍾意放假，其實做呢行望都望多啲嘢做，所以我病都好快好番。」
DaDa又笑稱小病是福，不過病時意志力薄弱，DaDa直言當時希望有個男朋友照顧，但過後又沒有此念頭。
撰文：林妃