【第39屆港姐之拜金女王】
大熱港姐「大口江若琳」3號許亦妮（Whitney）自參選以來是非不斷，日前又有讀者踢爆她未夠秤就孖住黃榕去夜店有錢仔兼講性經。黃榕對此直認識了Whitney多年，更踢爆她年僅14歲就愛搵有錢仔做男友。
現年22歲的大熱港姐「大口江若琳」3號許亦妮是非多多，除被指整容兼生過仔外，又爆連9男生。日前本報再獲讀者報料，指許亦妮未滿18歲已認識黃榕，當年常孖咇落club媾有錢仔兼交換性經，但Whitney人後卻笑黃榕又矮又老又沒知識。報料者並提供兩張Whitney和黃榕的合照，相中未夠秤的Whitney化行妝，甚具戰鬥格。
「人前幾friendo架」
黃榕前日接受訪問直認7、8年前已認識Whitney，當時大家都是模特兒，但她否認兩人夜蒲講性經：「冇講呢啲，純粹係大家都住觀塘，會約埋出去。係有去中環落club，但佢男友都喺度，Whitney好專一，我見過佢有兩個男朋友，每個都拍咗兩、三年。」Whitney男友多，但一律其貌不揚，黃榕笑說：「嗰時我見佢啲男朋友都唔係靚仔，但都係有錢仔。」Whitney現在才22歲，換言之她14歲已跟有錢仔拍拖，夠晒早熟。
問黃榕會否相信Whitney背後唱她？她說：「人後唔知，人前幾friendo架，我唔信佢呢啲。」她謂兩人已有3、4年沒聯絡，因Whitney既鎖facebook又轉電話。她又睇好Whitney選港姐，但是非太多，她說：「次次有是非嘅都入唔到三甲。」
另外，昨日眾佳麗到尖沙嘴溥儀眼鏡宣傳，Whitney否認連9男，只承認當中有兩個是她的前男友。「嫩口廖安麗」11號劉思希被踢爆07至08年曾整容，又將原名劉雅儀改掉，她昨對整容之說多以「冇」來回應，只表示07至08年間在澳門實習，與爆料所說她曾在澳門美容院叮囑美容師不要碰到鼻子不謀而合。劉思希又謂只是化妝令面容有變，改名是覺得原名太俗氣。
採訪：夏琴、卓寶花
攝影：黃偉雄
若讀者知道今屆入圍港姐的底細，歡迎電郵至mailto:[email protected]報料。
