無綫之前因為有臨時演員罷工，搞到好多劇集都要停拍大場面嘅戲份，最終無綫決定就起用臨時演員重新招標。噚日無綫外事部總監曾醒明（圖）就話，喺十幾間有興趣嘅公司入面，有一間已經合乎晒無綫開出嚟嘅條件，家只係仲有少少文件未簽妥，曾醒明仲話之前無綫會簽三、四間臨時演員公司合作，所以家仲會再搵其他合適嘅公司。