阿Lam林子祥籌備兩年的「林子祥VintageLamusic演唱會」本月17至19日在紅館舉行，阿Lam昨在九龍灣展貿中心練歌，他一對仔女林德正、林德懿往探班，阿Lam說大仔下年出碟，正研究以甚麼形象出現，女兒則回流香港年多，現主要為外國樂隊宣傳。
籲觀眾準時
記者問即將開騷的阿Lam會否緊張？他說：「都唱咗咁耐，唔會緊張，呢個演唱會係兩年前構思，我都好熟，一早做好晒準備。」
阿Lam指唯一擔心的是不準時開騷或遲了完騷被罰很多錢：「今次會唱60幾首歌，係平時演唱會一倍，所以要準時8點15分開始，11點30分完，唔係唱唔晒咁多歌，希望各位觀眾準時。」再問阿Lam時間緊逼下會否不換衫？他說：「今次要換衫，有贊助，所以會講少啲嘢。」
採訪、攝影：楊潔雯