【模範生】被稱為模界張曼玉的胥力文（AmberXu）入行做模特兒10年，16歲時任鋼琴老師的母親把Amber帶到上海接受專業模特兒訓練，由最初對模特兒一無所知，到現在愛上模特兒工作，命運使然，隨遇而安的Amber從沒有野心要做模界一姐，只要有工開便開心，不過入行後靠自己的天份和運氣，獲各大品牌的垂青，更與四大天王合作拍電影、拍MV，是名副其實的天王殺手。
出生於黑龍江齊齊哈爾的胥力文，幼稚園時與父母由家鄉搬到山東定居，現在以香港為基地，廣東話也講得相當流利，她笑說：「我朋友笑我講『洗唔洗』時，講到好似『死唔死』，引起哄堂大笑，我家仲努力學緊廣東話。」
Amber母親是鋼琴教師、父親則是中學體育教師，她沒有繼承父母的衣鉢，反而成為模特兒，Amber說：「細個媽咪都有教我鋼琴，不過我冇興趣學，因為媽咪教得好嚴；爸爸有教我打籃球，不過媽咪又怕我打波整傷，16歲時我已經生得好高，媽咪見我有天份做模特兒，就送我到上海auntie度學做model，初初都唔知model係乜，不過家越做越開心。」
摑黎明心驚驚
現年26歲的Amber，16歲入行至今已第十個年頭，樣子可愛的她拍照時十分專業，要cool要sweet交足功課，難怪獲四大天王的垂青合作拍戲、拍MV，之前我與黎明拍《一言為定》、劉德華《再說一次我愛你》、郭富城拍過《父子》和張學友《講你知》等。
笑言自己是天王殺手的Amber說：「我細細個嫲嫲話我有演戲天份，要喊就即刻可以流眼淚，印象最深刻係同黎明（Leon）拍MV要打佢一巴，嗰時真係好驚，怕佢啲fans唔高興，最後打到第三巴導演就收貨，Leon話第三巴打得佢最痛，呢次係我人生第一次打人，其實都有興趣拍戲，不過始終模特兒係我最愛職業。」
曾與Amber合作過的著名攝影師夏永康也驚嘆她的神韻與影后張曼玉相似，因此模界張曼玉的美譽不脛而走，令她受寵若驚，Amber說：「我其實冇乜嘢偶像，最希望做好自己本份。」
不斷長高怕怕
入行10年的Amber從沒野心要做模界一姐，性格隨遇而安，她說：「我從來做人都冇乜嘢大計，冇希望要去到乜嘢位置，只要有工開就會好開心，因為我好鍾意做model。」身高182cm的Amber自言18歲時仍然不斷長高而恐懼，她說：「我18歲時已高180cm，有好耐冇見嘅朋友都話你又長高咗，嗰時真係好驚，唔希望自己再長高，我寧願你話我肥好過，好彩到咗20歲就停止，朋友都叫我做長腳蟹，上海朋友就叫我長腳螺絲。」
近年由內地來港行騷的模特兒不少都是條件相當優越，身高達180cm以上的比比皆是，競爭都相當激烈，Amber說：「競爭都好大，最緊要係做好自己，casting時最好要着得簡單，在台上時要覺得自己係最好，同有自信。」
大食妹拿手炒蟹
由上海來香港工作，Amber也感到香港生活壓力相當大，Amber說：「香港人行路好快，初初來到好唔慣，所以平時唔使做嘢就鍾意喺屋企煮飯。」
學煲湯冧老公
身高182cm的Amber體重只有53kg，食極唔肥的她說：「我平時一餐要食兩碗飯，都好大食，又鍾意食肉，不過食極唔肥，可能唔吸收，平時都會去街市買餸，喺屋企下廚，拿手小菜係避風塘炒蟹，家努力學緊煲湯，如果將來結婚希望做全職家庭主婦，相夫教子。」
胥力文Profile
英文名：AmberXu
年齡：26歲
身高：182cm
三圍：32、24.5、35
曾拍廣告：04年成為上海灘廣告代言人、Canon相機、與李璨琛拍Nokia廣告。
電影及MV：曾與香港四大天王合作，MV包括張學友《講你知》、黎明《一言為定》、電影包括劉德華《再說一次我愛你》、郭富城《父子》等。
獎項：01年沙溪杯模特之星十佳模特兒及最上鏡獎、01年中國模特之星大賽十佳模特兒及最上鏡獎、02年中國十佳職業時裝模特兒、05年風尚大典獲風尚女模特兒獎。
採訪：JessicaNgan
攝影：ChanShunChing
髮型：YumeofXenter
化妝：SynniTamofPrivatei
服裝：DianeVONFunstenburg