花旗股市前晚雖然反覆，道指大陰燭之後現十字星，暫時應該會靠穩，不過歐洲債務危機又被炒作，市場氣氛會偏淡少少。
港股噚日好波動，恒指曾經升過上去22642，但臨近收市前半個鐘，人行突然宣佈調高存款準備金率，個市即刻散晒，恒指最後跌12點，收22496。日線圖仍然係陽燭收市，反彈形勢暫時keep住。
神華C輪11816：神華（1088）收36.30元，升0.9%。股價日前下試過100日線，反彈之後整固，噚日有破關炒上迹象，尾段隨大市略為回順，成交縮減兩日之後回升，若突破36.50元，後市有機會上試38.80至40元，短炒可以諗吓隻C輪11816。
隻輪現價33仙，2011年11月21日到期，行使價38元，溢價13.8%，引伸波幅41.4%，槓桿率11倍（有效5.4倍），正股升上40元，11816睇53.8仙，正股跌穿34.80元就沽咗隻輪。
俊樺