張崇基、張崇德兩兄弟會喺八月開三場演唱會，門票呢幾日會發售，佢哋噚日就去新城電台做宣傳。阿德話到時開騷，老婆劉美娟同一對仔女都會捧場。至於父親節，阿德話當日有個講座要做，唔知有冇時間慶祝，佢話呢個節日係提醒自己值唔值得仔女同自己慶祝，佢仲認為做爸爸真係唔易，不過自己都算係稱職爸爸，已經盡量抽時間陪屋企人。