周秀娜、傅穎和JessicaC.等主演的新戲《熱浪球愛戰》下月上映，戲內還有五位o靚模A.Lin、DaDa、Jeana、Hidy和Riko一同演出，同樣在拍攝前進行特訓。變臉成功的Jeana坦言今次演出不止賣樣，當中還有血有汗，她說：「喺訓練中我要做一個起跳擋球嘅動作，但係一落地就扭傷隻腳，腳眼腫咗一大嚿。」問到究竟拍性感及床上戲舒服，還是打排球？Jeana笑說：「仲使講，呢鋪真係有付出。」
Hidy及Riko有打排球的經驗，故有姿勢有實際，Hidy說：「雖然我自己係打開排球，但因呢部戲先第一次接觸沙灘排球，反而覺得沙排好玩啲，因為free啲冇咁多規矩。」Riko認同說：「飛身插入沙簡直超爽。」
撰文：葉雪