【本報訊】新界僭建風暴未息，原居民趁機向政府算舊賬，要求賠償塱原保育區200多名地主過去10年的損失，金額約4億元。上水鄉事委員會主席侯志強揚言，若果政府不理訴求，將會發動地主封閉塱原多幅土地，不讓「外人」出入。
侯志強打算於今天僭建理順小組與政府開會時，提出塱原保育區賠償問題。他稱較早前計劃向政府申訴，碰巧遇上僭建風波，如今新界人更加團結，「是就是，非就非。霸地保育唔畀錢就唔啱，使乜用僭建嚟做籌碼？」
環保署10年前否決落馬洲支線橫跨塱原濕地，雖然沒有正式把濕地列為「自然保育區」，但興建樓宇必須事先申請，是巿民公認的保育區。侯志強抱怨，自此原居民就不能起豪宅，「真係慘，申請永遠唔批。唔係想起少少屋咁簡單，呢度近石湖市區，梗係想起過百層樓，做新市鎮。」
賠償要求被指極荒唐
塱原保育區涉及200萬平方呎私人土地，半數由侯、廖及馮氏等原居民持有。侯志強說，今次抗爭行動涵蓋所有地主，並非偏幫原居民，「冇買地，你保乜鬼育呀？大隻講？四億賠償係基本數，村民唔滿意會再傾。」
侯志強警告，一旦政府不理地主訴求，將到政府部門示威，甚至封閉私人土地，趕走前來郊遊觀鳥的市民。他承認，過去曾有部份地主不滿外人入侵，下「格殺令」及放捕獸器，「政府搵差人去，話夾到人刑事o架。村民就話，刑咩事吖？屋企擺嘢唔得咩？你唔入嚟咪冇事囉。」現時沙螺洞及荔枝窩的地主均被政府以保育之名侵佔利益，侯或聯同他們爭取賠償。
公民黨副主席黎廣德批評賠償要求極度荒唐。塱原保育區本身是農地，地主並無發展權，規劃權力從來在政府手上，「如果政府剝奪人哋發展權，賠償先有道理。農地連地積比都冇，點發展？賠咩畀佢？政府冇需要同原居民協調。」