陳法拉、徐子珊、黃宗澤、周柏豪、楊洛婷及連詩雅等，前晚在西九出席HTC手機活動，陳法拉低胸稍露事業線，與穿露背長裙的徐子珊各有搶鏡位。
法拉一到場就自爆失手機，她謂前日在餐廳做專訪，換衫後將手機遺留在廁所，問法拉可怕私密照或私隱資料會洩漏？她說：「都第一時間諗吓有冇特別嘅相，主要都係同其他藝人嘅合照，不過都有啲擔心。」談到男友手機號碼或會外洩，法拉說：「佢嘅名我係用代號，用幾個字母。」
法拉又希望拾了她手機的人顧及她的私隱，不要將資料傳開：「我好少拍片，但有啲email係講公事嘅。」記者說法拉有機會做林峯翻版，她說：「我冇私密照，多數係公司資料。」
柏豪撐Miki
楊愛謹（Miki）近期被傳當年介入永安太子爺郭永淳與前妻的婚姻，前日郭發聲明維護Miki，Miki好友周柏豪前晚說有慰問Miki，他力撐Miki說：「佢係個好堅強嘅人，唔擔心佢嘅情緒，我相信佢嘅為人，佢係個實事求是、自力更生嘅女仔，清者自清。」對於郭永淳發聲明，周柏豪亦表支持：「對受委屈嘅一方會公平啲，等件事明朗啲，還佢公道。」
採訪：顏英儀
攝影：黃文成