鄭嘉穎和胡杏兒主演的無綫劇集《怒火街頭》，自播出以來口碑和收視皆理想，昨日一眾演員現身造勢，嘉穎黑氣纏身，日前跑步時竟不慎仆街擦損手，而其他演員亦接連出事，陳敏之拍該劇時跌斷鎖骨，沈卓盈早前報警稱遭非禮。
無綫劇集《怒火街頭》自播出以來收視和口碑皆不俗，昨日一班演員鄭嘉穎、胡杏兒、林子善、陳敏之和石修等到西九龍宣傳繼續造勢。
沈卓盈被錫驚叫
現場播出劇中片段，要求演員重演，當中一幕是林子善錫滕麗名，因滕麗名缺席，由早前報警聲稱被醫師非禮的沈卓盈演出。但當林子善隔着膠片作狀錫時，沈卓盈都V嘩鬼叫，不知是否非禮事件留下陰影？此外林子善表示若果收視有40點，他會除底褲慶祝。
雖然新劇反應理想，但嘉穎仍黑氣纏身，見他右手受傷，嘉穎自爆因日前不慎仆街，他說：「早幾日凌晨拍完《拳王》又瞓唔着，所以落街跑步，點知一唔小心睇唔到地下有木板，結果跌倒擦損手，但因為太夜，所以先返屋企包紮，第二日先去醫院。」嘉穎又透露由於反應好，監製有意以原班人馬開拍《怒》喜劇版，若果成事各人都相當期待。
同場的陳敏之當日因拍劇喪跑而跌斷鎖骨，她表示此幕即將播出，難得現在反應理想，自己演出又獲讚賞，陳敏之坦言當日受傷也總算有回報。
採訪：楊潔雯
攝影：黃文偉