為了將驊哥同化成「桂神」為新一代金句王，網民集腋成裘，不消一星期便儲夠驊哥逾百句口頭禪，借花家姐的口頭禪話齋「真係唔簡單！」小記特意精選10大金句，再找來驊哥親自解畫。
驊哥10大金句（括號內為驊哥的回應）
1）占士真係大心臟（Rikko代答︰英文為Clutchplayer，但我就是想不到點用中文形容，但驊仔形容得好好，即是球員能夠承受壓力的意思。）
2）呢球我好同意球證嘅判決（我是教練，又是球員出身，好容易代入球賽，NBA球證執法很值得學習。）
3）嘩！呢啲波都畀佢入到，仲得了?？（因為那位球員真的好掂吧！）
4）X射手之前射失1,000球都唔緊要~~關鍵時候入到就得o架喇！（想誇張點形容該球。）
5）正如我頭先所講呢（之前分析過的戰術，球員剛巧做了，所以再繼續闡述。）
6）XX嘩~呢球真係比你FAKE到返XX（自己嗰隊嘅城市，例如費城，芝加哥等……，只想搞笑，自己風格吧！）
7）呢啲咪就係叫質素囉！（我角色是球評家，為個人意見。）
8）跳到9樓咁高，但個波飛到10樓（誇張的情況應該誇張形容。）
9）嘩~~~~??球個含金量相當之高！（那球就是很真材實料。）
10）LBJ要做球王就要參加入樽賽（球王就是要「明知山有虎，偏向虎山行」，但目前為止，占士明顯沒有做球王的氣質及魅力。