張崇基、張崇德噚日喺鑽石山開記招，宣佈8月12日起會喺StarHall搞三場騷。最近有傳四圍做善事嘅紫荊俠，有可能係張崇德嘅老婆劉美娟，對此張崇德話冇可能：「一定唔係，我老婆冇紫荊俠啲衫，同埋佢要湊住兩個小朋友，我24小時對住佢。」劉美娟亦強調自己唔係紫荊俠，佢話自己做善事好低調，亦冇需要扮鬼扮馬。