道指上禮拜五大幅下挫172點，報11951，成交增加，反映日內仍有沽壓，技術上要喺11800先至會有較大支持。
花旗股市走勢差，氣氛曳，對今日港股好不利，原因係港股啱啱失守250日線，好友仲係打緊守勢波，金管局又話要收緊樓按，唔理實質有幾大影響，都會為淡友提供狂攻嘅藉口。恒指下一個技術支持位係22000，一旦失守就要下試21860。
濰柴C輪25168：濰柴動力（2338）上日報收42.30元，升2.3%。股價喺4月升過上56.65元，之後就反覆回落，呢兩日大成交反彈，有機會上試45元，破位料會進一步推向47元，可以諗吓隻C輪25168。
隻輪現價6.7仙，2011年10月26日到期，行使價45元，溢價14.3%，引伸波幅42.3%，槓桿率12.6倍（有效5.8倍），正股升上47元，25168睇11.7仙，升幅74%，幾吸引，正股跌穿40.60元就沽咗隻輪。
俊樺