傑斯嘅性醜聞都傳咗一段時間，但仲繼續爆出驚人內幕。據英國《世界新聞報》周日披露，傑斯弟婦娜塔莎（圖）接受專訪嗰陣喊晒，指喺8年嘅「偷情歲月」入面，同傑斯一度偷姦成孕，而事發時仲係喺娜塔莎將會嫁畀傑斯細佬之前幾星期。無毒不丈夫嘅傑斯為防有手尾跟，要求娜塔莎即刻墮胎，並會支付所需嘅費用。娜塔莎淚流滿面咁憶述該段可怕回憶：「傑斯叫我馬上去墮胎。佢話：『你知道唯一嘅選擇就係做墮胎手術。』但我覺得唔可以摧毀任何人嘅生命！」上年泰利偷嗒隊友妻之餘，仲搞大人哋嗰肚，而且畀錢對方墮胎。我求大俠真係估唔到傑斯會演繹同一個劇本；若屬實對佢真係好失望！