馮仁昭四圍超:陳光榮學舊愛低調結婚 - 馮仁昭

馮仁昭四圍超:陳光榮學舊愛低調結婚 - 馮仁昭

林嘉欣去年同廣告導演袁劍偉喺加拿大結婚,之後仲生埋囡囡,一家三口非常幸福。嘉欣嘅舊愛、音樂人陳光榮都唔輸蝕,佢噚日就同女友拉埋天窗,但佢同嘉欣一樣,都係低調結婚,以免俾傳媒知道,但其實喜事同多啲人分享咪仲開心。
導演劉偉強就擔任一對新人嘅證婚人,佢主持完儀式後,仲急不及待將自己同一對新人嘅合照放上微博,唔少圈中人好似余文樂咁都留言祝賀。