皇馬球星賓施馬（小圖）捲入淫照風波，呢次佢涉嫌同一宗向未成年少女發放淫照案有關，警方亦展開調查，賓施馬今次可能又一身蟻！一名14歲少女早前喺facebook收到一幅男人嘅下體照，仲夾雜住好多核突嘅留言，個女仔屋企人於是報警。警方就話相片嘅來源係來至一部皇馬職員公用嘅手機，之後賓施馬都話自己係俾人擺上枱，俾人盜用咗個account再send張相俾個女仔，警方就話會繼續調查。點都好啦，賓施馬之前俾人踢爆走去召雛妓ZahiaDehar（圖），家又捲入淫照風波，睇嚟摩連奴都好想快啲踢走呢個衰仔，唔知之前話好想要佢嘅雲格仲會唔會對呢個敗家仔流晒口水呢？