容祖兒、陳偉霆及陳見飛等前晚往灣仔出席ChanelJ12Chromatic新錶活動，下周四生日的祖兒獲大會送贈價值57,000元的腕錶。
問祖兒關於鋒芝事件簿越傳越多版本，她說：「唔想打攪佢，朋友之間互相知道關心對方就得，不過都託表哥（霆鋒助手）問候咗佢，件事日日都有唔同版本，希望快啲雨過天晴。」
盼鋒芝雨過天晴
問祖兒信不信鋒芝會離婚？她說：「冇話信唔信，呢啲新聞太多唔同版本，最緊要開心咁生活，先有動力工作。」坦言與栢芝不算熟的祖兒，對有報道指栢芝與拉姑爭吵時曾語帶雙關說過一句「ifc地下見」，祖兒則說：「傳啫，咁爆？唔會啩？佢（指栢芝）個性係烈，不過唔會嘅，大人嚟o架嘛。」
另外，同場還有陳冠希（Edison）胞姊陳見飛，問她有沒有與Edison見面？她說：「有，佢喺香港，前日先一齊食飯。」有沒有看Edison的新聞？她答：「冇睇。」然後即匆匆入場。
採訪：盧妹 攝影：陳俊強