呂晶晶同顏子菲噚日喺尖沙嘴出席《好味道系列》相片展揭幕儀式，對於早前快咇喺網上電台話有亞視高層帶亞姐去應酬時俾人摸手摸腳。呂晶晶話覺得快咇咁講影響亞姐形象，仲話：「佢未證實到唔應該咁講，佢講到好似真嘅一樣。」不過晶晶話曾出席活動時被贊助商攬腰合照，佢即刻避開。顏子菲同樣話冇試過俾人抽水，佢強調絕對冇去過應酬飯局。