效力曼城嘅科特迪瓦後衞高路托尼（圖），因食減肥藥（有禁藥成份）出事而被罰停賽6個月。日前佢就話，自己其實心理有問題，明明知道自己身材好「弗」，但係照鏡嘅時候，總係覺得望落好似好肥同有個大肚腩，於是先會走去食減肥藥。有病就應該及早求醫，高路托尼明知自己有心理病都唔去睇醫生，最後搞個大頭佛出嚟，名副其實係攞嚟賤。