「長江後浪推前浪，一代新人勝舊人？」看見英格蘭U21現時的出賽陣容，上了位的質高兵根本不用捱苦，經漫長球季歇暑乘機唞唞；連「雙紅」都偷步開賽前超高價擒下兩英超新仔，剩下撐場的多位二線球會主力鬥心加質素也成疑問，領隊皮亞斯，小心孭鑊！今個周末重心，單W捧奪標大熱門、他們同組的對手西班牙U21好了。
香港收費電視台據聞因嫌貴，連今屆的U21歐國盃也不播，可見鬥搶轉播權多年，見到份見紅業績，已知內耗兼內傷。其實有冇必要一季播足300幾場英超，西甲逢周六、日分三個時段播到凌晨5、6點，相信有部份球隊的收視率會慘不忍睹；精采的體育運動，也是從來貴精不貴多，要你當大件夾抵食日日鯁，人家不馨香兼想嘔，何必呢？
單數年夏天，足壇水盡鵝飛，但還記得兩年前盛夏，還可以在本地收費電視，欣賞到馬古斯貝治、「爆炸頭」費蘭尼及奧斯爾在U21歐國盃嶄露頭角的表現，球迷甘之如飴；小將爭上位日後條路行好點搏到盡，球賽水平也頗高，球迷視線回看歐洲聯賽，也對他們有一定印象。可惜，今晚開波了，足智彩顯示，只有日聯或美洲金盃有得睇，球迷周末夜深人靜聽發呆，不如早睡，起身睇埋NBA總決賽好了。
求賭，U21歐國盃資訊必多，也不怕隔山買牛；香港球迷最熟的英格蘭小獅，今晚硬拼西班牙，莊家明知英格蘭擁躉多也開出3.3倍W，信他們眼光吧，這隊有近半最銳主力退隊的小獅不夠擁查維馬天尼斯、桑馬達及保贊等高質西班牙小將打，單看英軍隊長是車仔棄將，借到狼隊也是不夠班的文切尼，加上門將用下游英冠仔，危矣！周末其餘3場分組賽，大家也睇不通，博冷較合，白俄屬魚腩？敢問冰島有幾叻？
有得睇的，日聯自地震後重開，球賽極為反常，強隊屢操不起加上要應付亞冠盃，爆冷頻頻；打了8輪，鹿角、鯨魚及紅鑽全在下游，始料不及。但花無百日紅，人總有三衰六旺，有實力的沉着應戰終能再畫彩虹。亞冠盃暫完，出局的大阪飛腳今周迎今屆走樣的心跳穩開熱W，不夠食，可串射穩紮穩打的川崎前鋒。美洲金盃，大熱保衞者美國對巴拿馬，可博穩陣波膽，目標在4強戰後，無必要大炒；至於加拿大實力似再走下坡，面對有戰意的瓜德羅普，冷博和局。
蘋果波神
貼士
U21歐國盃重心主客和：
西班牙U21勝（2）
日聯重心主客和：
川崎前鋒勝（1.52）x
大阪飛腳勝（1.57）@2x1
金盃混合：
加拿大和（3.3）x美國勝2:0（5.5）、2:1（7.5）@2x3