除咗足球之外，我平時極少留意德國啲運動員，不過呢輪打緊NBA總決賽，見到奴域斯基喺場上嘅表現，發覺佢真係唔錯。雖則奴域斯基佢一啲都唔靚仔，但都好有星味，球技仲好一流㖭，希望佢隊小馬贏到占士隊熱火而贏到總冠軍啦！講開德國運動員，以前有個泳手我好鍾意，佢就游蝶式嘅哥斯。記得哥斯一對手好粗好長，游起蝶式上嚟好似一隻信天翁咁，所以佢亦有「信天翁」呢個外號。家美洲金盃進行得如火如荼，美國向來係一支非常正氣嘅球隊，無論打乜嘢賽事都唔會揸流攤，首場輕鬆贏加拿大，今晚對住巴拿馬，睇嚟又會去馬，所以真係讓幾多都要捧。
青蛙仔
星期六26
美國vs巴拿馬
心水：美國勝[-1]
心得：美國佬唔會打假波