今屆法網，大概係我廿幾年前o靚仔時代睇麥根萊、蘭度、艾保、碧加、艾華特、女神莎芭天妮等人後，難得再投入網球。當女單決賽去到第2盤6:6嘅時候，忍唔住用咗極速9秒9寫咗300字賽後感，等佢一完就㩒掣放上facebook，好彩娜姐冇令我失望，否則感言就白寫。
娜姐勝出，最開心係睇佢任何時候都可以我行我素，暢所欲言，喺當日咁敏感嘅日子，喺法國呢個恆久象徵自由嘅大地上呼吸清新空氣，希望日後有更多娜姐揚威海外，向天下人盡訴心中情。講到自由，最近被南美自由盃搞到頭昏腦脹，上次捧山度士得手，因睇準周中冇自由盃比賽，但下周中上演決賽，自當掉轉槍頭。
藍鑽石
星期六21
高士路vs山度士
心水：高士路勝
心得：山度士留力造就高士路開齋