曼聯球星傑斯（圖）勾弟婦事件又有新進展，今次登場嘅再唔係弟婦娜塔莎，而係傑斯細佬洛尼。英國《太陽報》日前爆料，傑斯願意用25萬鎊（約317萬港元）令洛尼封嘴，唔向傳媒講關於佢哋之間嘅任何事，不過就要對方簽紙作實先肯畀錢。雖則「有錢使得鬼推磨」，但唔係吓吓都可以用錢解決。就算封得住細佬把口，不過佢個朵點都臭晒，難怪有傳佢醜聞纏身，或提早退休。