荷李活陷題材荒，收得電影都要「翻冧」拍續集，可惜比第一集遜色嘅定律難以避免；周中去睇《醉爆伴郎團2》，珠玉在前，雖然獨立咁睇，仍然係笑爆咀，黃色笑料不缺，但故事大綱同第一集太接近，搞到冇咩驚喜，唯一搶鏡係識食煙嘅馬騮，另外，扮演新娘爸爸嘅，就係門徒做毒販將軍嗰位泰國人，估唔到佢英文幾好㖭。另一個優點，係今次取景自泰國曼谷，香港人對呢度肯定熟悉，睇佢地穿梭唐人街、湄公河，別有一番風味。
西班牙呢幾年威盡，今年想贏完歐國盃，連U21歐國盃都想翻冧埋，呢班人腳認真對辦，技術型踢法面對英格蘭更加格食格，信小牛兵團分組賽可首捷。
牽牛
星期日15
西班牙U21vs英格蘭U21
心水：西班牙U21勝
心得：巴塞對曼聯有辦你睇