【本報訊】政府醫院對內地孕婦「落閘」，私家醫院床位在內地越炒越貴，動輒炒至數十萬元，成為中介公司囊中「肥豬肉」。本報追查下發現，赴港產子業的「龍頭」原來是一名綽號「六親不認」的港人。曾經生意失敗的他一度銷聲匿迹，07年窺準內地孕婦湧港產子潮，乘機靠內地孕婦發財，短短4年間建立壟斷業界的「生仔王國」，每年經他安排來港搶奪港人產子資源的內地孕婦最少1,200名，每年獲利數以千萬元計，令他極速翻身成為半億富豪「中介王」。
記者：張軍、廖韻思、區杏芝
身家半億的「中介王」林偉強，洋名Paul，54歲，個子不高、外表平凡，但其名字這4年間響遍香港婦產科醫生界。「佢喺內地有十幾間中介公司，至少過百員工。來港產子一條龍服務都係佢第一個諗出嚟」。熟悉內地分娩中介公司的阿力（化名）爆料指，林已壟斷市場，深圳南湖路國貿商業大廈正是林偉強的「生仔王國」大本營。坊間以為內地眾多分娩中介公司只扮演「艇仔」角色，但其實大部份由林偉強幕後操縱。
壟斷市場 大小通吃
林偉強的牟利手腕令阿力亦佩服得五體投地：「佢所有公司都係用員工名註冊，員工唔叫佢做老闆，叫佢林老師。」原來林每開新公司都大搞講座叫員工集資，每人投資二萬元做股東，然後每月分紅。
林旗下的中介公司大中小規模一應俱全，收費有平有貴，擺明「大小通吃」，「啲客走勻成幢國貿格價，最終都係逃唔出佢手指罅」。單是2009年，他便接收1,200名內地孕婦客，以每名客人收取最少一萬元服務費計算，一年營業額已逾千萬元，還未計算炒賣床位的厚利。事實上，每名孕婦收費由8,000至40萬元不等，難怪短短4年，林偉強身家已暴漲半億。
入侵同行網絡盜資料
阿力說，林聘有一班網絡高手，透過網上聊天室「兜客」，此外還有絕招，「聽聞佢哋會入侵同行嘅網絡攞孕婦資料，連人哋揀咩套餐都一清二楚」。
阿力說：「想買貴套餐嘅客，佢哋就會開個平過對方嘅價，啲客梗係轉會啦！如果失敗就用另一間公司再同個客傾。」
有客當然要有床位，林偉強靠的就是強大的婦產科醫生網絡。阿力說，由於林的姐夫為香港某醫療集團的兒科醫生，林因利乘便向醫生埋手，以介紹客源作餌，向醫生收取回佣，由最初3,000元暴升至8,000元。「以前好多醫生仔冇客就俾佢拉攏合作，啲醫生有時怕佢唔放客，就投其所好，個個禮拜上深圳陪佢打乒乓波。」
為奪床位搵女冧醫生
隨着內地孕婦懂得門路，私家醫生生意滾滾，部份已毋須依靠中介公司，林偉強為留住有辦法拿到床位的醫生亦出盡法寶，「佢早排花咗6萬蚊搵個高質素北妹陪個醫生玩足一日至攞到床位，不過佢炒兩炒，乜都賺返啦！」
為揭露「中介王」真面目，記者昨日直踩其位於國貿19樓的辦公室，向其職員表明來意後，終獲接見。對於坊間指是行內「龍頭之一」，林偉強劈頭便澄清：「我唔係龍頭之一，我係龍頭！」
對於有人指他擁有強大醫生網絡，醫生更要給他回佣，林不諱言自己出生於醫療世家，對醫學界瞭如指掌，07年原本打算搞醫療公司，估不到港府推出「預產證」政策，反而助他創立這個「生仔王國」。他堅稱自己絕無收取回佣：「唔好抹黑香港嘅醫生，佢哋係救人英雄。」記者直指有行家斥他「炒床位」，他輕鬆地說：「樹大有枯枝，唔好將我睇做害群之馬，我哋絕冇炒位，我哋做生意絕對合法。」
中介公司「吸水」流程
