由詹瑞文執導的電影《潮性辦公室》前晚舉行首映禮，眾女星當中以長腳蟹呂慧儀最性感，輕易成為全場焦點。詹瑞文則透露梁洛施（Isabella）想拍戲，又指她才23歲，尚有很大發揮空間。
電影《潮性辦公室》前晚在圓方舉行首映禮，詹瑞文、呂慧儀、莊思敏和趙彤等均有出席。呂慧儀穿上低胸裙谷胸示人，露出深深的事業線。活動期間有記者不小心踩到呂慧儀的裙尾，她即笑言：「條裙唔會甩，因為我肥咗。」事後問她是否知道多女星出席而低胸搶鏡？她說：「我都係配合番個角色，着靚啲，之前肥咗做泳衣騷唔好睇，我會補番數，驚肥咗冇job。」
「唔想亂拍膊頭」
詹瑞文早前與梁洛施（Isabella）飯敍，他透露兩年內會拍三齣電影，問他會否找學生Isabella擔任女主角？他說：「喺適合狀態下會搵，我唔想開空頭支票，之前食飯我哋都係天南地北乜都傾吓。」再問詹瑞文知否Isabella想拍戲？他續說：「佢想做戲，其實好多戲都搵佢，相信Isabella好多角色都可以做，文藝同搞笑都得，佢23歲好大發揮空間，香港好缺乏明星。」
之後提及Isabella現時的片酬，詹瑞文說：「未知喎，睇佢意願，我唔想亂拍學生膊頭。」他又透露Isabella做了媽媽後成熟不少，他說：「佢好清楚自己想點，好鍾意自己嘅小朋友，佢都知有一日會做番戲，同埋佢有講畀我聽佢會點做。」不過詹瑞文指Isabella沒有提及與李澤楷的感情事。
楊紫瓊匆匆閃人
此外，楊紫瓊昨日現身機場出發到上海工作，對於好友梁洛施日前來港會親友，楊紫瓊未有回應，一聽到記者提問即擰轉面匆匆入閘。
採訪：魯萍 攝影：黃文成、陳順禎