英超8月又開鑼,無帥之師嘅阿士東維拉梗係想快啲手搵番個新帥。之前有傳過麥卡倫,不過佢上季搞到禾夫斯堡差啲降班,維拉應該唔會請佢。跟住好快又傳出韋根嘅領隊馬天尼斯(圖)會接手,馬天尼斯上屆喺極有限嘅人腳下最後幫韋根護級,領軍能力得到維拉肯定。韋根主席韋倫仲話:「維拉方面的確同我接觸過,叫我讓馬天尼斯過檔,我都答應咗,不過如果馬天尼斯真係離開我會好驚訝,因為球會仲諗住同佢續約。」馬天尼斯家放緊假,遲啲番嚟應該就會同維拉嗰邊斟斟。