陳嘉桓同師兄杜宇航噚日去咗灣仔齊齊擔任「西樵山夢工場」宣傳大使，陳嘉桓話自己好少去旅行，平時只能當出外公幹係旅行。對於緋聞男友林峯就嚟開演唱會，被指為第三者嘅陳嘉桓為免大家再對佢產生誤會，佢就事先張揚咁話今次唔會買飛捧林峯場，但如果林峯真係送飛畀佢睇嘅話，佢就會相約師兄一齊去睇騷，認真識借師兄過橋喎。