隔咗四年，菊姐關菊英會喺9月1日再踏紅館開騷，噚日佢去咗柴灣影演唱會海報，佢話家個個開騷都着得好性感，於是菊姐就覺得，自己今次嘅騷一係包到實見人，一係就唧胸令大家好有驚喜。對於好友狄波拉屋企最近嘅風波，菊姐話有發短訊畀拉姑，至於睇住大嘅謝霆鋒面臨離婚一事，菊姐就話唔識點講，總之希望大家都有個開心結局。