洛杉磯E囗2011第二擊：手掣變種　WiiU煲自私芒

洛杉磯E囗2011第二擊：手掣變種　WiiU煲自私芒

近兩年任天堂不斷發功，上年推出3DS後帶起一股裸視3D熱潮，以為今年會主打推出遊戲開發？非也！任天堂早在兩個月前已事先張揚，Wii的後繼機將於今年E囗亮相，不過絕非在網上流傳外貌如N64手掣般設計，反而有幾分似電子書Kindle。

記者、攝影：王震遠

食字食出新名字

任天堂食字真係有一手，所以新主機名字並非坊間流傳的「Wii2」咁膚淺。第一代新世代主機命名為Wii，人人開口埋口都叫「We」；然後推出遊戲世界的虛擬角色人物Mii，發音為「Me」；今次推出的Wii後繼機「ProjectCafe」，正式改名為「WiiU」，有「WeandYou」之意，強調出呢代主機已將重點放在「你」身上。

平板電腦變奏版

單睇外表，WiiU比起Wii手掣大得多，似係平板電腦變奏版。至於主機規格方面，早前流傳讀取媒介改用Blu-ray，這方面資訊今次在E囗中沒有太多着墨，官方反而指出主機將採用多核心CPU、高清GPU，一心想當佢係BD機嘅用家要諗一諗啦！WiiU向下對應Wii的遊戲和周邊配件，主機支援由480i至1080p的高清輸出，遊戲亦支援FullHD高清輸出。WiiU亦加入現今必備的加速計和陀螺儀，還有鏡頭和咪高峯，更特別的是加入了NDS著名的輸入筆，集合任天堂旗下主機的特色於一身。

■WiiU預計於明年2012上市。

私家芒獨玩狂抽

WiiU並非手提遊戲機，手掣將會透過無線裝置跟主機連接。沒有連上電視時，WiiU手掣就會化身成流動電視，正在唔使同人爭電視！而新加入的私家屏幕，令玩法變得更多元化：一般家用主機的輸出畫面只會連接上一部電視，任何玩家都只能夠接收相同畫面，遊戲中不能加入隱蔽情報；但WiiU在多人對戰中，玩家就可以在各自的私人畫面中顯示相關資料，亦減輕了主畫面的設計局限。至於單人遊戲時，WiiU私家芒亦有好處，首先可以顯示更加多資訊，以輔助畫面進行，更可以有不同的角度視點，並透過內置的陀螺儀控制方向。

■駁咗電視，私家芒可睇到另一個視點。

■無駁電視時，私家芒就會變成主畫面輸出。

WiiU新Game預告

E囗發佈會中，任天堂播出多個廠商的高層訪問，證明新機擁有強大後盾。先有自家主打《NewSuperMarioBros.Mii》和《薩爾達傳說》，更有Codemasters的《Dirt》、Namco的《鐵拳》、TecmoKoei的《NinjaGaidenIII》和TomClancy's《GhostReconOnline》都在開發中。

■《GhostReconOnline》

■《鐵拳》

新玩法

■打Golf唔使齋Fing咁Dry，有咗WiiU直接開波，真實感大增。

■手寫筆唔只可以寫字，呢個組合仲可以當畫板用來畫畫。

■主畫面顯示大廈外牆，WiiU顯示放大屏，玩家有十足十狙擊手感覺。

■玩WiiFit唔使開電視，用WiiU就可以睇到資訊。

Look爆WiiU

■6.2吋芒作輔助螢幕或作主螢幕都得。

■Sync鍵移往機背，不用再拆蓋了。

■有16:9觸控式螢幕之餘再附手寫筆。

■機背後有傳統LR鍵和ZL/ZR鍵。

■機身前置鏡頭、咪高峯與喇叭等。

同場加映
紅白舊Game上3DS

任天堂今次亦在E囗中宣佈推出《SuperMario》、《MarioKart》和《KidIcarus》等大作。此外eShop功能亦將出現在新系統，暫知有Gameloft、SEGA將會推出網店遊戲。新系統中玩家可透過網頁瀏覽器收看3D影像，更可以下載翻生版經典紅白機遊戲，例如《Excitebike》同《Pokedex3D》都會以3D版本重生！

■《MarioKart》最高支援8人對戰。

■《KidIcarus:Uprising》將推出WiiU和3DS版。