【本報訊】「要數我嘅經歷，我怕你成份報紙都寫唔晒。」靠內地孕婦發達的林偉強，原來是讀工程出身，八十年代初在當時的理工學院機械工程系畢業，年輕時已滿腦子生意大計，有熟識他的人透露，在中國改革開放之初，林已看到內地商機無限，率先在國內推銷電梯，成功賺得第一桶金。
金融風暴打殘
林偉強頗有頭腦，賣電梯時主要與地產發展商合作，「佢售賣外國進口電梯，人哋賣120萬，其中20萬係推銷員佣金。佢就賣100萬，仲唔使人哋畀現金找數，反而叫人哋以樓盤單位以物易物」。
當時國內樓價低，未有強大升值潛力，「佢唔係用嚟炒，而係用嚟套現，舉例人哋畀十幾個單位佢當找數，佢就即刻拿去銀行做抵押，套現150萬，既可以用來找電梯數，其餘嘅就用嚟還息同埋做生意」。
1996年，林以638萬元購入太子文蔚閣一單位連車位，可惜98年金融風暴將他打殘。林承認做生意遇過挫折，說：「咪董建華累個囉，銀行信用額冇晒……冇咗兩、三億！」被打進人生谷底的林偉強，於03年以268萬元蝕賣單位套現，最終亦避過破產收場。
此後林放棄香港，全力留在國內發展，但想翻身也不容易，他曾在深圳開設會所，設有桌球室、網吧等，可是生意並不太理想，直至想到「一條龍」到港生仔大計，才起死回生。
受訪語氣招積
記者日前擺明車馬邀請林訪問，想不到他沒有拒絕，還招積地說：「我都估到你哋遲早會上嚟，你哋唔嚟TVB都會嚟，你係第一個有我張卡片嘅人！」
訪問中，林偉強對有關他的背景和身家諸多迴避，但還是忍不住說了一句：「有個大陸出名嘅作家就話想幫我出書，講我點發迹！」住在深圳福田近30年的他說：「我唔係半個香港人喇，係百分百嘅中國人，我識得好多中央高層o架。」