陳蕊蕊、G.E.M.、陳偉霆及洪卓立等前晚到將軍澳電視廣播城錄影《勁歌金曲》，首次以歌手身份上《勁歌》的陳蕊蕊，以一身銀色閃閃露背裝示人，造型誇張，十足LadyGaGa。
但陳蕊蕊強調並不是抄襲LadyGaGa，她說：「造型師唔想我太暴露，想有啲嘢睇，自己第一次唱《Makeupbaby》有啲緊張，又唱又跳有難度，應該唔會走光，自己想做女版郭富城。」
早前開完紅館個唱的G.E.M.休息了三星期後才復工，她自爆因狂食狂瞓，所以病倒兼生了十粒痱滋，但也有趁休息時間作曲。
G.E.M.怨男友
問G.E.M.為何不去旅行探望男友林宥嘉時，她酸溜溜說：「唔會，自己要休息，我呢啲好可憐，都係屋企人照顧煲湯，人哋萬千寵愛，我呢啲好渺小。」
採訪、攝影：楊潔雯