陳智燊（Jason）以往主持《明珠生活》時，均西裝筆挺，享受奢華生活，最近他在處境劇《誰家灶頭無煙火》首次做男主角，演堅持學廚、想達成做餅美夢的鍾思翰，角色甚討好，並多了不少翡翠台觀眾對他留下印象，對此Jason興奮說：「家行街都有觀眾認得我，雖然好多時佢哋都叫唔出我個名，但都唔緊要。」
自稱演戲新丁
04年參加無綫藝員訓練班的Jason已拍過不少劇集，但仍自稱新丁：「好多方面例如演技咁都有待改善，之前有學演戲，但之後因為忙就停咗，好彩《誰》劇有班前輩肯教我。」說到最想嘗試的角色，Jason說：「想演奸角或專業人士，但家都係演好鍾思翰先。」
採訪：譚倩宜
攝影：黃文偉