伯南克前晚嘅講話冇新意，但係有啲啟示，市場期望伯南克會講吓QE，睇吓會唔會再放水，佢冇明確講，但係睇返佢講嘅經濟同通脹展望，就好似鋪緊路遲啲講QE。花旗家面對滯脹風險大過通脹風險，如果情況冇改善，推QE3唔出奇。
港股就繼續弱勢，恒指再跌207點，報收22661，靠近條250日線（22598），呢個位會有爭持，反彈阻力23000。
雨潤C輪11795：雨潤食品（1068）噚日報收27.40元，升3.3%。股價早排逼近過30元關，之後回落下試幾條平均線嘅密集支持位，呢兩日成交急增，噚日現技術突破，好大機會推向30元，可以諗吓隻C輪11795。
隻輪現價21.7仙，2011年11月29日到期，行使價30元，溢價17.4%，引伸波幅42.7%，槓桿率12.6倍（有效5.4倍），正股升上30元，11795睇34.8仙，升幅6成，正股跌穿26.20元就沽咗隻輪。
俊樺