【本報訊】面對香港今天的種種社會及經濟問題，田北俊認為問題根本還是政制問題，不論誰當下屆特首，要在有限任期內解決各種社會及政治問題，幾乎是不可能。他仍認為特首與政黨成立執政聯盟，又或容許政黨負責執政工作，才可以將政府施政延續，有效解決社會及經濟問題。
指應成立執政聯盟
田北俊認為，現時每換一次特首，新任特首未必會繼續前任政策方向，「好似梁振英咁，佢好多政策立場同家政府唔同，如果佢做特首，好多政策可能又要改，從頭嚟過」，不過由於特首任期只有五年，「諮詢一年，立法會又要傾一兩年，分分鐘到佢任期就快到先過到，若果特首唔連任多一屆，就唔可以做到好多嘢」。
所以他仍然相信，要令特區有效管治，特首與政黨成立執政聯盟，又或容許政黨可以負責執政工作，才是解決問題根本方法，「有成個黨喺後面支持，就算特首卸任之後，政黨同佢盟友，都可以繼續佢嘅施政理念同政策，唔會成日變來變去」。