噚日拍賣兩幅官地，焦點係波老道地皮，最終以116.5億元成交，如果同市場樂觀預測嘅150億比較，算係好大嘅落差，但係成交價其實一啲都唔曳。
兩幅地都係由長實（001）投得，大地產商咁進取，應該算係好消息，賣地之後恒指跌幅都大幅收窄，最後報22609，跌51點，恒指緊貼250日線收市，技術上有反彈條件，不過上到23000已經會有好大阻力。
國美C輪29176：國美電器（493）報收3元，升2.7%。股價連續兩日出現大陰燭下跌之後，噚日掉頭炒上，成交顯著增加，10日線失而復得，料會上試3.10元阻力，破位上望3.30元，可以諗吓隻C輪29176。
隻輪現價31仙，2011年9月5日到期，行使價2.88元，溢價6.3%，引伸波幅42.1%，槓桿率9.7倍（有效6倍），正股升上3.30元，29176有機會見52.1仙，升幅68%，正股跌穿2.88元就沽咗隻輪。
俊樺