小小超李澤楷與為他生下三子的梁洛施，今年宣佈分手。小小超前度女友羅愛欣昨晚在灣仔出席活動，自爆與中國籍銀行業男友已拍拖7個月，面對舊愛是超級富豪小小超，羅愛欣坦言男友沒壓力也沒八卦舊戀情，準備兩年後結婚。
超級品牌Chanel昨日在會展舉行J12Chromatic新錶酒會，吸引了謝玲玲、大新銀行主席王守業夫人、恒生新抱何蓓倩和甘國亮等捧場。
坦言恨生仔
小小超李澤楷前度女友羅愛欣也有出席，李澤楷和梁洛施分手的消息，羅愛欣表示都有留意，她說：「都放晒雜誌封面，好難留意唔到啦。」她強調自和小小超分手，便沒再聯絡，也不知梁洛施回港等事，她說：「我同佢（指小小超）家冇聯繫，我有自己生活。」
羅愛欣透露生活中，包括蜜運：「我有拍緊拖，忙於拍拖呀，男友係中國人，同我一樣係做banking，拍咗7個月。」羅愛欣前度係超級富豪小小超，問她男友怎看？她說：「冇喎，佢都冇問我以前嘅戀情。」她謂和男友都朝結婚方向進發，希望長遠發展，兩年後拉埋天窗，更坦言心急生仔，她說：「我想生兩個，男仔女仔都好，不過女仔可以扮靚。」
謝玲玲睇錶
同場謝玲玲表示愛上Chanel十年，昨晚專程來睇新錶，她說：「我睇吓錶、睇吓珠寶，不過我都係鍾意珠寶多啲，家儲埋個啲，將來係留畀女同新抱。」問她以往前夫林建岳有否送過珠寶，她說：「後生時唔識呢啲嘢，家就鍾意。」
Chanel早年推出的J12陶瓷錶，掀起一片陶瓷錶熱。今年新作J12Chromatic用上全新物料、硬度僅次於藍寶石的鈦陶瓷，錶面光澤比黃金更閃，外形貫徹經典的圓形設計，備有鑲鑽及自動錶等選擇。
採訪：LoMui
攝影：DickyChan
