上海姑娘陳靜（DaDa）生性嗜甜，特別鍾愛朱古力和八寶飯，可謂無甜不歡。不過自從上月以逾十萬酬勞成為纖體代言人後，她表示要跟至愛的甜品保持距離，還要定時做運動保持體態美，但DaDa自言看過自己纖體成果後，覺得辛勞是有回報的。
陳靜自從簽約成為美容中心的纖體代言人後，經過大半個月做機減肥後，體重由原先的116磅減至目前106磅，她昨日接受電話訪問時對成績非常滿意，她說：「唔只減到10磅好開心，報酬都好滿意有6位數字，美容中心話睇中我嘅笑容同埋有肉地。」
最愛婆婆八寶飯
DaDa透露有得亦有失，因為要保持體態，這一年就要放棄心愛的甜食，她說：「其實我好鍾意食甜嘢，尤其鍾意黑朱古力同八寶飯，特別係我婆婆親手做嘅。你知八寶飯有澱粉質同甜，做咗代言人就唔可以成日食，因為自己易肥，唔想咁辛苦減嘅10磅化為烏有。」
DaDa自爆不會完全戒食，但既然收得別人酬金自然要交足功課，少吃為妙，打後會很努力做運動及上纖體公司做機keepfit。
急返上海拍寫真
首次擔任纖體代言人的DaDa共拍了3款造型，除泳衣外，還有一款輕紗若隱若現的造型性感得來可以展現美態，她笑說：「影完呢輯宣傳照時，仲趁自己狀態好返咗上海影埋自己寫真集嘅相，因為驚遲啲自己忍唔到口偷食肥番就麻煩。」
撰文：何永寧