曼聯中堅里奧費迪南（圖）貴為英格蘭國家隊隊長，原來冇乜墨水，事關佢早排同其他英超球星好似紐卡素中場祖爾巴頓同埋阿仙奴中場韋舒亞咁，一齊玩一個串英文生字嘅比賽，結果超低分收場。事後有人話里奧玩得太多Twitter，搞到連字都唔識串，但里奧就死撐，話有時會喺Twitter寫啲好深嘅字。點都好，想改善語文，睇書就最實際啦！